მეღვინეობა – ემილ პეინოს მიხედვით

თქვენს წინაშეა მეღვინეობის დარგში არსებული ერთ-ერთი ყველაზე აღიარებული ნაშრომი ქართულ ენაზე.
სახელმძღვანელო განკუთვნილია სტუდენტებისთვის, პრაქტიკოსი ენოლოგებისთვის და მეღვინეობის საკითხებით დაინტერესებული ფართო საზოგადოებისათვის.

ღვინის დაყენების ტექნოლოგიის და ღვინის შეფასების ხელოვნების მიმოხილვასთან ერთად, წიგნი გვასწავლის და გვიჩვენებს, თუ როგორ უნდა დავნერგოთ ენოლოგიის მიღწევები ყოველდღიურ პრაქტიკაში. ავტორი მარტივი ენით, რთული ქიმიური ფორმულების გარეშე, გვიხსნის თეორიული ცოდნის პრაქტიკული გამოყენების გზებს.

დოქტორი ემილ პეინო ბორდოს უნივერსიტეტის აგრონომიისა და ენოლოგიის კათედრის ხელმძღვანელი გახლდათ. მას შემდეგ, რაც აქტიურ საუნივერსიტეტო ცხოვრებას ჩამოშორდა, მოღვაწეობას აგრძელებდა კონსულტანტად ათობით შატოში, ღვინის ერთობლივ საწარმოსა და ღვინის ქარხანაში – ესპანეთში, საბერძნეთში, იტალიასა და მექსიკაში. იგი ცნობილია არა მარტო როგორც პედაგოგი და კონსულტანტი, არამედ როგორც 300-მდე სამეცნიერო ნაშრომისა და წიგნის ავტორი ენოლოგიასა და დაჭაშნიკების ხელოვნებაზე.

ფორმატი: 14.5 × 21.5 სმ