გივი მარგველაშვილი – “პერეკატასტროიკა” – დროის მოწმის ჩანაწერები 1988 – 1993

₾17.00

გივი მარგველაშვილის (1927 ბერლინი – 2020 თბილისი), გერმანულენოვანი მწერლისა და ფილოსოფოსის ეს წიგნი – „პერეკატასტროიკა“ – დროის მოწმის ჩანაწერები, 1988-1993 – იწერებოდა გერმანულად თბილისსა და ბერლინში. წიგნი წარმოადგენს პროცესების უშუალო და ყურადღებიანი დამკვირვებლის პირად ჩანაწერებს მეოცე საუკუნის მსოფლიოში მომხდარი, ერთ-­ერთი ყველაზე მნიშვნელოვანი პოლიტიკური გარდატეხის – „პერესტროიკისა“ და მის შემდგომდროინდელ მოვლენათა შესახებ.

📕 გივი მარგველაშვილი, როგორც 1921 წელს რუსეთის მიერ დაპყრობილ საქართველოდან გადახვეწილი ქართველი ემიგრანტების შთამომავალი, საქართველოს დამოუკიდებლობის იდეას, ამ იდეის განხორციელების შანსებს განსაკუთრებით მძაფრად განიცდიდა და გულშემატკივრობდა. როგორც მწერალი და მოაზროვნე იგი მთელი თავისი შემოქმედებით უმხედრდებოდა დიქტატურისა და ტოტალიტარიზმის ყოველგვარ გამოვლინებას და შესაბამისად, პერეს­ტროიკასაც თავიდან იმედით შესცქეროდა.

ქართველი მკითხველი არ არის განებივრებული დოკუმენტური პროზის ამ სახეობით: ეპოქის მოწმის მიერ მის თვალწინ მიმდინარე მოვ­ლენების აღწერითა და გააზრებით, რასაც დიდი ხნის შემდეგ აღდგენილ და შესწავლილ ისტორიასთან შედარებით ის უპირატესობა აქვს, რომ უამრავ მრავლისმეტყველ, ცოცხალ ცხოვრებისეულ ნიუანსს გვი­ნარჩუნებს.

📕 ჩანაწერები მოგვითხრობს აგრეთვე იმ გარდატეხაზე, რაც უშუალოდ მწერლის ცხოვრებაში ხდებოდა, როცა გერმანიაში დაბადებულ ავტორს მრავალი წლის შემდეგ იქ დაბრუნების შესაძლებლობა მიეცა.

წიგნი გამოიცა მწერალთა სახლის მხარდაჭერით

გამოშვების წელი: 2022
გვერდების რაოდენობა: 323
გამომცემლობა: “ალონი”

Categories: , Tags: ,

ასევე შესაძლოა მოგეწონოს...

მსგავსი პროდუქტები